KUM 2009 KHA

    Kum 2 liam ta mai kha ka nun a ka thil tawn ropui ber, ti ila a ropui lemlo na a ka tan cuan kum ropui tak, ka mitthla a cham reng, second tin deuh thaw a ka thinlung a ka hriatchhuah thin, nimin lawk ang mai a fiah leh chiang ala ni.

    Kan thian za ho (The Big 5) inti deuh ngat ho chu tumah hmundang a awm lovin kan khua N.Lungpher ah kan awm kim kum ani a, a nawm zia ngawr ngawr sawi ka tum lova, kan thil tih thin, a then erawh thil thalo tak, a then lah ngaihawm em em lawi si ani. Pathian hruaina in BA 1st year result a lo chhuah meuh chuan ka pass ve alo ni a, ka ti tha ve thawkhat hle pawn ka inhria, ka result ka hria ka lawm lutuk a ka awmdan ka theihnghilh hial (niin ka hria) te kha a lo va han hlimawm tak em.

    Kan thian ho ah hian ka upa ber a, ka thiante zingah chuan upat chan chang angai a, ka tihtur tamtak erawh a harsa ka ti thin hle, an thil thalo tihtur ka ven angai a, mahse ka in hrethiam, thil tha lo pawh nise keimah ngeiin ka tih ve thin avang in ka hauh kha a rem ngailo alo ni.

    Ka nutei (nuthlawi) pakhat in hi kan awm tam ber na, leng darh thin mah ila kan haw khawm na, kan riahna, kan titi na in, kan hun tam zawk kan hmanna kan ZAWLBUK ang mai a kan neih, duh duh hun a riak a, duh duh hun a chawei mai thin vek kan ni.

    Kan thian 5 te hi kan in ngai thei hle a, kan in ti thinrim in kan in hmu thiamlo ngailo, kan hlimtlang in, kan in hmangaih a, a hunah kan in tan tlat a, kan in phatsan ngailo. Chutiang a hun hmang thin chu kan ni.

    Zan khat chu kan thianpa Hnehzova te a nu leh pa zin hlan in zu kan lei alawm le, kan han in chu kan rui hlawm khawpmai a, kan thianpa pakhat (Tetea) chu a chatthla ti tih der mai, keini ho chu inthurual in kan phelhruak ta, mittui tla per pur leh pum na thum in kan nui a, thla kan lak sak thul, keimahni tawkah kan hlim ve hle mai, chuan kan mu ta a, Tetea chu a tuk zingah a lo han inkhel chu niin, a haw, thuttleng a amu chu nikhaw hrelo in a awm ta der mai, zan lam a kan thil in te, a chung a kan thiltih te a rawn lang uaih uaih mai, Saitual ah an phur phei nghal a, feh mah ila rilru ah thildang a lut tawh lo, phone signal awm bawk silo, zan lama kan nui nasa lutuk kha nui thei tawhlo nge kan thianpa in kan rilru a luah hneh lutuk zawk, then khat pawh kan thenlo, kan rilru a hrehawm bawk aniang a thlalak kan lak sa te chu ka delete ta vek a, amah hmuh ka chak tehreng nen, dam taka a rawn haw hnuah ka lo delete kha ka inchhir hnuhnawh hle.
   
    Kan inkawm chho zel a, thil sual kan ti hnem tellh telh, kan tih thin pakhat chu mi ar perh thluk a a rem na hmun hmun a kan khawm a, chawei khawm kha ani. Mi ar tla mai mai lai hi iptepui lian tha tawk tak mai kan ak a, kan han veh dan dan a, kan thal tawp a, kan ak hmak zel nia mawle, tun hnu a ka ngaihtuah chang hian thil sual tak mai niin lang mahse a nuam ve thin khawp ania ?????

    Vawikhat chu, Favang lai ani a, boruak pawh a nuam in, khaw hawi nawm lai hun ani, kei leh ka thian pakhat Tetea nen chuan kan thiannu pakhat inah kan leng a, kan thian dang te'n drama an zir avangin, kan haw thla chu midang ho an lo lam a an lo kai (rui) em em mai chu niin, ka nutei zin haw chuan zu tam ve tawk tak min lo hawnsak a, kan lut a, in nghal pawp pawp, a then an lam a, a then khum ah an mu, a then lahin sas an be thul, ka luak chhuak viau lo se chuan ka lam nasa ngawt ang mawle, kan awmna thenawm Pu Hlutea, Ka nutei U chiah chuan kan bengchhen em avangin min rawn hau a, nidang chu nise thawk pawh thaw tha ngam ngai mang lo thin kha, a thusawi chu men ah kan thlaksak lo hrim hrim a, a ngai te bawkin kan bengchheng a, dar 1 thleng kan meng, a tukzing a kan inkhel hun lo ni rengin, kan khua a kan hmelma (ti ila kan in tibuai nggai chuang lo) te nen pawisa kan inchawi a, a boruak ava tang tha tak em, zan a kan thiltih effect vang nge, kan thin a ram vang, kan intibuai ta chhen mai a, a tawp ah pheichuan kan inthathen ta tawp mai, 1-1 anihlai mek in kan tin ta a, ngai kan awh leh ve ve ta ani, hetah hian mi 5 an insual hman mawle (keichu ka telve lo).

    Sawitur tam tak ala awm a sawi vek chi loh te thlenga a awm avangin, September thla chuan HBC ah II yr BA zawm turin ka chhuk ta a, Krismas kan hman dan erawh chu next post ah ka rawn post ang.... hemi ka ziah chhan chu ka ngaih em avang leh kei ang thil hrerei theilo tan chuan hmuntin a chhiar tur a ka dah angaih vang ani maithei, ka theihnghilh vat dawn avangin, 2009 hi ka ngai em ani, 'a va ho tak em' ti chungin duhtawk phawt ang aw....

            - RONSON  

Posted in: ARTICLES